Մեսսին հավաքականում գոլերի քանակով գերազանցել է Պելեին

ԱԱ-2022-ի Հարավամերիկյան գոտու ընտրական փուլի հերթական խաղում Արգենտինայի հավաքականը Մեսսիի հեթ-տրիկի շնորհիվ 3։0 հաշվով հաղթել է Բոլիվիայի ընտրանուն։

Արգենտինացի ֆուտբոլիստ Լիոնել Մեսսին դարձավ ռեկորդակիր Հարավային Ամերիկայի երկրներից մեկը ներկայացնող ազգային հավաքականում խփած գոլերի քանակով:

Հաղթողների կազմում երեք գոլերն էլ խփեց Մեսսին:

Այժմ 34-ամյա արգենտինացին հավաքականում անցկացրած 153 հանդիպումներում 79 գոլ է գրանցել, ինչը ռեկորդ է: Մեսսին գերազանցեց Պելեի արդյունքը, ով Բրազիլիայի հավաքականի կազմում ունի 77 գոլ:

Հիշեցնենք, որ ազգային թիմում բոլոր ժամանակների ռմբարկուների ցանկը 111 գոլով գլխավորում է Կրիշտիանու Ռոնալդուն։ Մեսսին ներկայում Գոդֆրեյ Չիտալուի (Զամբիա) հետ կիսում է 5-6-րդ հորիզոնականները։ 109 գոլով 2-րդը Ալի Դաեին է (Իրան), 89 գոլ Մալազիայի հավաքականում խփել է Մոխտար Դահարին, իսկ լեգենդար հունգարացի Ֆերենց Պուշկաշի արդյունքը (84 գոլ) 4-րդն է։

MESSI HAS BROKEN PELÉ'S RECORD WITH ANOTHER OUTRAGEOUS GOAL!!!! HISTORY 🤩🤩🤩🤩 pic.twitter.com/RNQC4UC1O3
— mx (SUSPENDED) (@MessiMX30i) September 10, 2021