Կառավարության նիստի ընթացքում ՀՀ առողջապահության նախարար Անահիտ Ավանեսյանը ներկայացրեց համավարակով պայմանավորված իրավիճակը Հայաստանում: 

«Այսօր արձանագրել ենք 621 դրական դեպք` 5838 թեստավորված անձանցից: Ցավոք սրտի ունեցել ենք 1 մահվան դեպք»,-հայտնեց ՀՀ առողջապահության նախարար Անահիտ Ավանեսյանը:

Հիշեցնենք, այսօր Կառավարության նիստի ընթացքում Անահիտ Ավանեսյանը ներկայացրեց նաեվ պատվաստումների ցուցանիշները: 

«Պատվաստումային գործընթացի արդյունքում արդեն իսկ ունենք ամբողջական՝ երկու դեղաչափը ստացած 805550 քաղաքացի, որը կազմում է մեծահասակ բնակչության 35.7 տոկոսը, և առաջին դեղաչափը ստացած 987084 քաղաքացի, որը կազմում է մեծահասակ բնակչության 43.7 տոկոսը»,- հայտարարեց ՀՀ առողջապահության նախարարը:

770