Երևանի հիվանդանոցներում հուլիսի 1-ից վճարումները կլինեն միայն անկանխիկ, մեկ տարի հետո այն կտարածվի նաեւ մարզկենտրոնների վրա,  իսկ երկու տարի հետո ընդհանրապես բոլորի։ Այս մասին այսօր մամուլի ասուլիսի ընթացքում ասաց ԿԲ նախագահի տեղակալ Հովհաննես Խաչատրյանը` խոսելով հիվանդանոցներում անկանխիկ վճարում իրականացնելու ժամկետների մասին:

ԿԲ փոխնախագահի խոսքով, իրենց տեղեկություններով, բոլոր բուժհաստատություններն ունեն այս հնարավորությունը, իսկ նրանք, ովքեր այս պահի դրությամբ դեռ POS-տերմինալ կամ այլ կերպ վճարումներ ստանալու հնարավորություն չունեն, արդեն պատրաստվում են միանալ այդ հնարավորությանը։

«POS-տերմինալներ բոլորն ունենալու են, ուղղակի, եթե հաճախորդն այդպես չցանկանա վճարել, դա էլ է նորմալ»,- եզրափակեց Խաչատրյանը:

663