«Փյունիկ» ՖԱ-ից հեռացել է հարձակվող Ուգո Ֆիրմինոն: Ավարտվել է ֆուտբոլիստի հետ պայմանագրի ժամկետը։ Այս մասին հայտնում է ակումբի մամուլի ծառայությունը։ 

Ուգո Ֆիրմինոն 2021թ․-ի հուլիսին էր միացել «Փյունիկին»: 33-ամյա պորտուգալացի ֆուտբոլիստն ավարտված մրցաշրջանում «Փյունիկի» կազմում անցկացրել է 32 հանդիպում՝ խփելով 18 գոլ և կատարելով 5 գոլային փոխանցում:

«Փյունիկ» ՖԱ-ն շնորհակալություն է հայտնում Ուգո Ֆիրմինոյին՝ ցուցաբերած պրոֆեսիոնալիզմի ու հատկապես նախորդ մրջաշրջանում մեր թիմի չեմպիոնության հարցում լուրջ դերակատարում ունենալու համար և մաղթում նրան հաջողություն հետագա կարիերայում։

1052