Լեհ ֆուտբոլիստ Ռոբերտ Լևանդովսկին միացել է «Բարսելոնային», որը մինչմրցաշրջանային հավաք է անցկացնում Մայամիում, այս հայտնում է իսպանական թիմը իր Twitter-ում։
Ավելի վաղ գերմանական «Բավարիան» հայտնել էր, որ համաձայնության է եկել «Բարսելոնայի» հետ Լևանդովսկու տրանսֆերի հարցում։
«Շատ ուրախ եմ «Բարսելոնա»-ին միանալու համար։ Առաջ, Բարսա: Վերջին օրերը երկար էին, բայց իմ կյանքում նոր էջ է սկսվում, սա նոր մարտահրավեր է։ Ես ֆուտբոլիստ եմ, ով ցանկանում է հաղթել։ Ոչ միայն անհատական հանդիպումներ, այլ տիտղոսներ։ Հույս ունեմ, որ մրցաշրջանի հենց սկզբից մենք կհաղթենք և կպայքարենք գավաթների համար։ Ես ցանկանում էի խաղալ Իսպանիայի առաջնության լավագույն ակումբներում։ «Բարսելոնան» թոփ ակումբ է։ Հուսով եմ, որ մենք կարող ենք նվաճել բոլոր հնարավոր տիտղոսները»,- ասել է Լևանդովսկին։
Լևանդովսկին Մյունխենի «Բավարիա» է տեղափոխվել 2014 թվականին Դորտմունդի «Բորուսիայից»:Մյունխենյան ակումբի կազմում նա անցկացրել է 375 հանդիպում, խփել 344 գոլ ու ութ անգամ դարձել Գերմանիայի չեմպիոն։ 2020 թվականին նա հաղթել է Չեմպիոնների լիգան, ՈՒԵՖԱ-ի Սուպերգավաթը և Աշխարհի ակումբային առաջնությունը։