Ֆայետվիլի քաղաքապետը ներողություն է խնդրել քաղաքի հայ համայնքից «Խոջալուի հիշատակի օր» անցկացնելու փորձի համար.

«Ֆայետվիլի ամերիկահայ համայնքին.

Ցանկանում եմ իմ անկեղծ ներողությունը խնդրել Ֆայետվիլի ամերիկահայ համայնքից՝ 2022 թվականի հունվարի 24-ին «Խոջալուի հիշատակի օրվա» ճանաչման վերաբերյալ նախապես գրված հայտարարության համար։

Ֆայետվիլ քաղաքի առաքելությունն է ստեղծել գրավիչ, մշակութային բազմազան և ներառական քաղաք, որն ապահով է, բարգավաճ, նորարար և կապված: Ցավոք սրտի, այս հայտարարությունը համահունչ չէր մեր քաղաքի առաքելությանը և սրեց պառակտումները մեր համայնքում: Ես որոշեցի չեղարկել հրամանագիրը:

Ցանկանում եմ շնորհակալություն հայտնել ամերիկահայ համայնքին այս խնդիրն իմ ուշադրությանը ներկայացնելու համար և խորապես գնահատել Ֆայետվիլ քաղաքի և ամերիկահայ համայնքի հարաբերությունները։

Խնդրում եմ ընդունեք իմ ներողությունը այս հայտարարության հրապարակման հետևանքով պատճառված ցավի համար»:

372