Արմատական «Թալիբան» շարժումը (արգելված է Ռուսաստանի Դաշնությունում) 2021 թվականին Աֆղանստանում իշխանությունը գրավելուց հետո նախկին պաշտոնյաների և զինվորականների ավելի քան 200 մահապատիժ է իրականացրել առանց դատավարության։ Այս մասին ասվում է Աֆղանստանում ՄԱԿ-ի աջակցության առաքելության (UNAMA) կայքում հրապարակված զեկույցում։
«UNAMA-ն արձանագրել է նախկին պետական պաշտոնյաների և Աֆղանստանի զինված ուժերի անդամների արտադատական մահապատիժների առնվազն 218 դեպք՝ Աֆղանստանը թալիբների կողմից գրավելուց ի վեր»,- ասվում է փաստաթղթում։
Հետաքննության ընթացքում առաքելության ներկայացուցիչները փաստագրել են արտադատական սպանությունների «առնվազն 800 դեպք»՝ 2021 թվականի օգոստոսի 15-ից մինչև 2023 թվականի հունիսի 30-ն ընկած ժամանակահատվածում։ Դրանք ներառում էին կամայական ձերբակալություններ, կալանավորումներ, խոշտանգումներ և վատ վերաբերմունքի դրվագներ նախկին կառավարության և անվտանգության ուժերի հետ կապ ունեցող անձանց նկատմամբ: Ըստ UNAMA-ի՝ նման հետապնդումները տեղի են ունեցել՝ չնայած թալիբների կողմից «դե ֆակտո համընդհանուր համաներմանը», որը հայտարարվել էր նախկին կառավարության պաշտոնյաների և զինվորականների նկատմամբ։