Ուկրաինան պաշտպանության նոր նախարար ունի
Գերագույն Ռադան Ուկրաինայի նախագահ Վլադիմիր Զելենսկու առաջարկով կողմ է քվեարկել ազգությամբ ղրիմաթաթար Ռուստեմ Ումերովին պաշտպանության նախարար նշանակելուն։ Այս մասին հայտարարել է պատգամավոր Յարոսլավ Ժելեզնյակը։
«Խորհրդարանը Ռուստեմ Ումերովին նշանակել է Ուկրաինայի պաշտպանության նախարար։ Կողմ՝ 338 ձայն։ Բոլոր խմբակցությունները պաշտպանել են»,- գրել է նա։
Ումերովը Զելենսկու օրոք արդեն չորրորդ պաշտպանության նախարարն է։ 2022 թվականից Ումերովը զբաղեցրել է Ուկրաինայի պետական գույքի հիմնադրամի ղեկավարի պաշտոնը։ Սեպտեմբերի 3-ին Զելենսկին հայտարարեց Ալեքսեյ Ռեզնիկովի փոխարեն Ումերովին պաշտպանության նախարար նշանակելու որոշման մասին։
06 Սեպտեմբեր, 2023 20:27
546