Իրանը հաջողությամբ տիեզերք է ուղարկել նորագույն կենսատիեզերական պարկուճ
Իրանական կենսատիեզերական պարկուճը չորեքշաբթի առավոտյան հաջողությամբ ուղարկվել է տիեզերք «Salman» կրիչ հրթիռի օգնությամբ, տեղեկացրել է Mehr-ը։
Արձակումը համապատասխանում է տիեզերք մարդ ուղարկելու պլանի իրականացմանը։ Պարկուճն արձակվել է երկրի մակերեւույթից 130 կիլոմետր բարձրությամբ՝ անհրաժեշտ տեխնոլոգիաների մշակման եւ ձեռքբերման նպատակով։
500 կիլոգրամ զանգված ունեցող պարկուճը Իրանի տիեզերական գործակալությունը պատվիրել է գիտության, հետազոտությունների եւ տեխնոլոգիաների նախարարության աերոտիեզերական հետազոտությունների ինստիտուտին, որն էլ արտադրել է այն։
Salman արձակման կայանը արտադրվում է Իրանի պաշտպանության նախարարության աերոտիեզերական արդյունաբերության կազմակերպության (AIO) կողմից։
06 Դեկտեմբեր, 2023 19:40
292