Չինաստանի պետական բանկերը խստացնում են ռուս հաճախորդների ֆինանսավորման սահմանափակումները այն բանից հետո, երբ ԱՄՆ-ն խոստացավ երկրորդական պատժամիջոցներ կիրառել օտարերկրյա ֆինանսական ընկերությունների նկատմամբ, որոնք օգնում են Ռուսաստանին Ուկրաինայի դեմ պատերազմում: Այս մասին երեքշաբթի՝ հունվարի 16-ին, գրել է Bloomberg-ը՝ հղում անելով իրավիճակին ծանոթ աղբյուրներին։
Առնվազն երկու չինական բանկեր սկսել են վերանայել իրենց բիզնեսը Ռուսաստանում վերջին շաբաթների ընթացքում՝ կենտրոնանալով անդրսահմանային գործարքների վրա, ասել են նրանք: Նրանք մտադիր են խզել կապերը պատժամիջոցների ցանկում հայտնված հաճախորդների հետ և դադարեցնել ցանկացած ֆինանսական ծառայություններ Ռուսաստանի ռազմական հատվածին` անկախ արժույթից և գործարքների գտնվելու վայրից, ասել են գործակալության զրուցակիցները:
Վարկատուներն ուժեղացնում են հաճախորդների նկատմամբ պատշաճ ուսումնասիրությունը, ներառյալ՝ որոշել, թե արդյոք նրանց բիզնեսները, շահառուները և վերջնական սեփականատերերը գրանցված են Ռուսաստանում, ասել են աղբյուրները: