Եթե տեսնենք չի ստացվում կայուն խաղաղություն՝ Ադրբեջանի դեմ հայցերից չենք հրաժարվի․ Փաշինյան (տեսանյութ)

Եթե խաղաղության պայմանագիրը պատրաստ լինի ստորագրելու և ՀՀ-ն համարի, որ ինքը կարող է ստորագրել և լինի այդպիսի թեմա, որ եկեք փոխադարձաբար միջազգային ատյաններից հետ կանչենք դատական հայցերը՝ դա քննարկելի և կարող է նույնիսկ տրամաբանական լինել, որովհետև շատ կարևոր է, որ մենք խոսենք ամբողջության մեջ, և կարծում եմ, որ մենք գիտենք, որ այդ հարցում միակողմանի ընկալումները մեզ հնարավորություն չեն տալիս ամբողջական դիտարկել իրավիճակը։ Այս մասին ԱԺ-ում հայտարարեց վարչապետ Նիկոլ Փաշինյանը։

«Մենք ունենք մեր ճշմարտությունները, բայց դա չի նշանակում, որ դա աշխարհում միակ ճշմարտությունն է և պետք է հենվենք այս տրամաբանության վրա»,- ասաց վարչապետը։