Իրանը բազմիցս աջակցություն է հայտնել Հարավային Կովկասի երկրների տարածքային ամբողջականությանը և իր տարածքում ինքնիշխանության իրավունքին՝ առանց միջազգայնորեն ճանաչված սահմանները փոխելու։
Այս մասին հայտարարել է Իրանի ԱԳՆ մամուլի քարտուղար Նասեր Քանանին։
Անդրադառնալով ապրիլի 5-ին Բրյուսելում կայացած Փաշինյան-ֆոն դեր Լեյեն-Բլինքեն եռակողմ հանդիպմանը՝ բանախոսն ընդգծել է չլուծված վեճերի, այդ թվում՝ «3+3» խորհրդատվական մեխանիզմի լուծման համար տարածաշրջանային հնարավորությունների օգտագործման անհրաժեշտությունը։
Նա շեշտել է, որ Իրանը դեմ է Հարավային Կովկասը աշխարհաքաղաքական մրցակցության դաշտի վերածելուն։
Նա հավելել է, որ տնտեսական համագործակցության ամրապնդումը և հաղորդակցությունների բացումը արդյունավետ դեր կխաղան կովկասյան տարածաշրջանում խաղաղության, կայունության և տնտեսական զարգացման հաստատման գործում։