Բաժանորդագրվեք araratnews-ի տելեգրամ ալիքին։
E3 երկրները (Մեծ Բրիտանիա, Ֆրանսիա և Գերմանիա) ՄԱԿ-ի Անվտանգության խորհրդին խնդրել են գործարկել մեխանիզմ, որը թույլ կտա վերականգնել ՄԱԿ-ի պատժամիջոցները Իրանի դեմ։ Այս մասին հայտնում է Araratnews.am-ը՝ հղում անելով Reuters-ին։
Համատեղ հայտարարության մեջ հիշեցրվել է, որ 2015 թվականի հուլիսի 20-ին ՄԱԿ-ի Անվտանգության խորհուրդն ընդունել է 2231 բանաձևը, որը հաստատել է Համատեղ համապարփակ գործողությունների ծրագիրը։
Հայտարարության համաձայն՝ Իրանը խոչընդոտել է Միջազգային ատոմային էներգիայի գործակալության (ՄԱԳԱՏԷ) գործունեությանը համաձայնագրի իրականացման ստուգման և մոնիթորինգի հարցում, ինչպես նաև հրաժարվել է պահպանել ՀԳՀԾ-ի լրացուցիչ արձանագրությունը։
Եռյակի երկրները հայտարարել են, որ 30-օրյա ժամկետով կշարունակեն դիվանագիտական ջանքերը, այդ թվում՝ Իրանի հետ շփումները՝ ապահովելու համար, որ այն կատարի իր պարտավորությունները կամ երկարաձգի բանակցային գործընթացը։ Եթե Անվտանգության խորհուրդը չորոշի շարունակել Իրանի նկատմամբ պատժամիջոցների վերացումը այդ ընթացքում, ապա նախկինում չեղյալ հայտարարված Անվտանգության խորհրդի վեց բանաձևերը, այդ թվում՝ պատժամիջոցները, ավտոմատ կերպով կմտնեն ուժի մեջ։