Խոսքը մի քանի տրիլիոն դրամի մասին է. այս մասին ասաց ԿԳՄՍ նախարար Ժաննա Անդրեասյանը՝ պատասխանելով հարցին, թե որքան կարժենա ակադեմիական քաղաքի կառուցումը։

«Ակնհայտ է, որ այստեղ պետությունը չի պատկերացնում ծրագրի իրականցումը միայնակ։ Ներդրումային ծրագիր ենք հենց այս պահին ամբողջացնում։ Բավական մեծ հետաքրքրություն կա մասնավորի հետ համագործակցության, ինչը մեր առաջիկա անելիքներից է լինելու»,- ասաց նա։

Ինչ վերաբերում է այն հարցին, թե կոնկրետ որտեղ կլինի քաղաքը, Անդրեասյանն ասաց, որ ուսումնասիրության արդյունքում պարզ է դարձել, որ Երեւանի 17-րդ թաղամասի հարակից հատվածում կա բավականին մեծ տարածք՝ շուրջ 680 հեկտար, որը կարող է տեղավորել այն ամենը, ինչը ակադեմիական քաղաքի շրջանակներում հնարավոր է տեղավորել։

414