Բաժանորդագրվեք araratnews-ի տելեգրամ ալիքին։
Հոկտեմբերի 11-ին՝ Գյումրիում տեղի ունեցավ Իմփաքթ Հաբ Գյումրիի և ԿՐԵԼԱԲ Շիրակի առաջին տարեդարձին նվիրված միջոցառում, որի շրջանակներում ներկայացվեցին մեկ տարվա ընթացքում իրականացված դասընթացների շրջանավարտների արդյունքները։
Միջոցառման ընթացքում ողջույնի խոսքով հանդես եկան ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը, Հայաստանում Միացյալ Թագավորության դեսպան Ջոն Գալագերը և “Իմփաքթ Հաբ Արմենիա” սոցիալական նորարարության զարգացման հիմնադրամի գործադիր տնօրեն Գևորգ Պողոսյանը:
Միջոցառման շրջանակներում տեղի ունեցավ շրջայց ԿՐԵԼԱԲ կենտրոնի կավագործության, լուսանկարչության, գորգագործության և կարի նոր սենյակներով։
Ծրագիրը ֆինանսավորվել է Մեծ Բրիտանիայի և Հյուսիսային Իռլանդիայի Միացյալ Թագավորության կառավարության կողմից՝ բրիտանացի ժողովրդի տրամադրած աջակցությամբ։
