Բաժանորդագրվեք araratnews-ի տելեգրամ ալիքին։
Ուկրաինայի առաջնորդ Վլադիմիր Զելենսկին սեպտեմբերին Դոնալդ Թրամփին ցույց է տվել այսպես կոչված՝ հաղթական ծրագիրը։ Թրամփը հետաքրքրվել է ուկրաինական բնական ռեսուրսներին Արևմուտքի հասանելիության և Եվրոպայում ամերիկյան ռազմական ուժերի մի մասը ուկրաինականով փոխարինելու մասին կետերով։ Այս մասին գրում է Financial Times թերթը՝ վկայակոչելով աղբյուրներ։
«Ուկրաինան «հաղթական ծրագիր» է մշակում Թրամփի գալիք վարչակազմի համար՝ ընդգծելով պոտենցիալ բիզնես գործարքները, հումքի հասանելիությունը և զորքերի տեղակայումը` փորձելով ազդել ԱՄՆ նորընտիր նախագահի վրա»,- ասվում է հրատարակության մեջ:
Նշվում է, որ համապատասխան առաջարկները պայմանավորված են ուկրաինացի և եվրոպացի պաշտոնյաների մտահոգությամբ, որ Դոնալդ Թրամփը կարող է արագորեն խաղաղ համաձայնագիր կնքել Ռուսաստանի հետ՝ փաստացի տորպեդահարելով Ուկրաինային Արևմուտքի աջակցությունը։