Բաժանորդագրվեք araratnews-ի տելեգրամ ալիքին։
Ամերիկացի միլիարդատեր Իլոն Մասկը նախազգուշացրել է ԱՄՆ դեֆոլտի ռիսկերի մասին, եթե ներկայիս ֆինանսական քաղաքականությունը չփոխվի։
Այս մասին նա գրել է X սոցցանցում՝ մեկնաբանելով ԱՄՆ-ի պետական պարտքի ծավալի ու դրա սպասարկման մասին հրապարակումը։
«Եթե այսպես շարունակվի, Ամերիկան դե ֆակտո կսնանկանա, և բոլոր հարկային եկամուտները կուղղվեն պետական պարտքի տոկոսների վճարմանը՝ ոչ մի բանի համար միջոցներ չթողնելով», - ասել է Մասկը։
Մեկնաբանության պատճառ է դարձել Wall Street Mav աքաունթի գրառումը, որտեղ նշվում էր, որ ԱՄՆ դաշնային բյուջեի հարկային եկամուտների մոտ 25%-ը ծախսվում է միայն 37 տրիլիոն դոլարի հասնող պետական պարտքի տոկոսների սպասարկման վրա։ Ընդ որում, տարեկան բյուջեի եկամուտները կազմում են մոտ 5 տրիլիոն դոլար։
Հրապարակմանը կցվել է 1960-ականներից մինչև 2025 թվականը ԱՄՆ պետական պարտքի աճի գրաֆիկը։ Գրաֆիկը ցույց է տալիս, որ 2000-ականների սկզբից պետական պարտքը սկսել է հատկապես արագ աճել և արդեն գերազանցել է նախկինում սահմանված 36,1 տրիլիոն դոլարի սահմանաչափը, որն ավելացել է 2025 թվականի հունվարին։