Բաժանորդագրվեք araratnews-ի տելեգրամ ալիքին։
Հունգարիայի վարչապետ Վիկտոր Օրբանը հայտարարեց, որ երկրի բնակիչների շրջանում անցկացված խորհրդակցական հանրաքվեի մասնակիցների մեծամասնությունը քվեարկել է Ուկրաինայի՝ ԵՄ-ին անդամակցության աջակցության դեմ։
«Մեր 2 միլիոն 168 հազար հայրենակիցներ քվեարկել են Ուկրաինայի՝ ԵՄ-ին անդամակցության ռիսկերը չկրելու օգտին։ Սա բոլոր վավեր քվեների 95%-ն է», - գրել է Օրբանը իր Ֆեյսբուքյան էջում։
«Այսօր ես երկու միլիոնից ավելի հունգարացիների անունից կհայտարարեմ, որ Հունգարիան չի աջակցում Ուկրաինայի՝ Եվրամիությանը անդամակցությանը», - հավելել է նա։
Խորհրդակցական հանրաքվեն, որը ներառում էր Հունգարիայի կողմից ԵՄ-ին Ուկրաինայի անդամակցության աջակցության հարցը, անցկացվել է ապրիլի սկզբից մինչև հունիսի 20-ը։ Հանրաքվեի արդյունքները պարտադիր չեն Հունգարիայի կառավարության համար։