Բաժանորդագրվեք araratnews-ի տելեգրամ ալիքին։
Ղազախստանի նախագահ Կասիմ-Ժոմարտ Տոկաևը պատասխան նամակ է հղել ԱՄՆ նախագահ Դոնալդ Թրամփին՝ կապված Վաշինգտոնի կողմից օգոստոսի 1-ից հանրապետությունից ներմուծվող ապրանքների վրա 25% մաքսատուրք մտցնելու հայտարարության հետ։
Այս մասին, Araratnews.am-ի փոխանցմամբ, հայտնել է Ղազախստանի ղեկավարի մամուլի ծառայությունը։
Նշվում է, որ Տոկաևը հաստատել է Թրամփի հետ երկխոսության իր պատրաստակամությունը և վստահություն է հայտնել փոխզիջման հասնելու հարցում։
«Ղազախստանի նախագահը հաստատել է մեր երկրի պատրաստակամությունը շարունակել կառուցողական երկխոսությունը՝ առևտրային հարցերի ռացիոնալ լուծում մշակելու համար», - ասվում է հայտարարության մեջ։
Հուլիսի 7-ին Թրամփը նամակ է գրել Տոկաևին, որում զգուշացրել է, որ Միացյալ Նահանգները որոշել է օգոստոսի 1-ից Ղազախստանից ներմուծվող ապրանքների վրա 25% մաքսատուրք մտցնել։