Բաժանորդագրվեք araratnews-ի տելեգրամ ալիքին։
ԱՄՆ-ում կրակել են քաղաքական գործիչ, հայտնի ակտիվիստ և հանրապետական կուսակցության կողմնակից Չարլի Քըրքի վրա, Յուտայի համալսարանում ելույթի ժամանակ։
Կրակոցից անմիջապես հետո ամերիկյան լրատվամիջոցները հայտնել են, որ համալսարանում ձերբակալվել է Քըրքի սպանության փորձի մեջ կասկածվող մի տղամարդ։ Սակայն The New York Times-ը շուտով հերքել է այս տեղեկությունը. ձերբակալվածը կրակողը չի եղել։
Fox News-ի տվյալներով՝ մահափորձը կարող էր իրականացնել Յուտայի Դեմոկրատական կուսակցության ներկայացուցիչ Մայքլ Մալինսոնը, սակայն այս վարկածի պաշտոնական հաստատում դեռևս չկա։
Յուտայի նահանգապետ Սփենսեր Քոքսը նշել է, որ ողբերգության համար պատասխանատուն կպատժվի։ Նա նաև նշել է, որ մահապատիժը նահանգում չի վերացվել։
Չարլզ Ջեյմս Քըրքը ծնվել է 1993 թվականի հոկտեմբերի 14-ին, Իլինոյս նահանգի Արլինգթոն Հայթս քաղաքում (ԱՄՆ): Նա սովորել է Հարփեր քոլեջում, բայց չի ավարտել այն։
2012 թվականին գործարար Ուիլյամ Մոնտգոմերիի հետ նա հիմնադրել է Turning Point USA պահպանողական քաղաքական կազմակերպությունը: Այն խթանում է պահպանողական քաղաքականությունը դպրոցներում, քոլեջներում և համալսարաններում: Չարլզ Քըրքը կազմակերպության գործադիր տնօրենն էր։ 2020 թվականին նա սկսել էր վարել սեփական շոուն The Answer ռադիոկայանում:
2025 թվականին ԱՄՆ նախագահ Դոնալդ Թրամփը Չարլի Քըրքին նշանակեց ԱՄՆ Ռազմաօդային ուժերի ակադեմիայի այցելուների խորհրդի անդամ։
Նա Ազգային քաղաքականության խորհրդի անդամ էր, հինգ գրքի հեղինակ։ 2019 թվականին նրան շնորհվել է հումանիտար գիտությունների դոկտորի կոչում Լիբերթի համալսարանից։
Նրա YouTube ալիքն ունի 3.83 միլիոն բաժանորդ։
Նա ամուսնացած էր, ուներ մեկ որդի և մեկ դուստր։