Բաժանորդագրվեք araratnews-ի տելեգրամ ալիքին։
Կատարի արտաքին գործերի նախարարության խոսնակ Մաջիդ բին Մոհամմեդ ալ-Անսարին հայտարարել է, որ ԱՄՆ-ի և Իրանի միջև հակամարտության դիվանագիտական կարգավորման ջանքերը շարունակվում են և գտնվում են առաջընթացի փուլում։
«Մենք կարող ենք հաստատել, որ ջանքեր են գործադրվում բոլոր կողմերի հետ, որոնք ձգտում են դիվանագիտական կարգավորման։ Այս ջանքերը ներկայումս գտնվում են մեծ առաջնընթացի փուլում, և մենք աշխատում ենք այս ուղղությամբ բոլոր մասնակիցների հետ»,- ասել է նա մամուլի ասուլիսում՝ պատասխանելով Վաշինգտոնի և Թեհրանի կողմից բանակցությունների ընթացքի վերաբերյալ հակասական հայտարարությունների վերաբերյալ հարցին։
Դիվանագետն ընդգծել է, որ շփումները շարունակվում են։ «Ես կարող եմ հաստատել, որ ջանքերը շարունակվում են հենց հիմա»,- հավելել է ալ-Անսարին։
Ներկայումս ԱՄՆ-ի և Իրանի միջև ուղիղ բանակցությունների ծրագրեր չկան. շփումներն իրականացվում են միջնորդների միջոցով՝ հայտարարել է Կատարի արտաքին գործերի նախարարության խոսնակը։