Բաժանորդագրվեք araratnews-ի տելեգրամ ալիքին։
Պաղեստինամետ ցուցարարները Դուբլինի Թրինիթի քոլեջ այցելության ընթացքում կաթով լի փաթեթներ են նետել ԱՄՆ նախկին նախագահ Ջո Բայդենի և նրա կնոջ՝ Ջիլի ուղղությամբ։ Այս մասին նոյեմբերի 10-ին հայտնել է The Telegraph թերթը։
Պարբերականի տեղեկություններով՝ ցուցարարները նաև վանկարկել են «Ամոթ», «Ձեր ձեռքերը արյան մեջ են» և «Ցեղասպան Ջո» կարգախոսները։ Ցուցարարներից մեկը բղավել է. «Մենք չենք մասնակցի ցեղասպանությանը։ Ջո Բայդենին արգելված է գտնվել այս համալսարանական տարածքում»։
Ավելի վաղ իսրայելցի բանակցող Գերշոն Բասկին The Times թերթին հայտնել էր, որ Գազայի հատվածում հրադադարի հաստատման համաձայնագրի պայմանները պատրաստ էին դեռևս Վաշինգտոնում Բայդենի վարչակազմի օրոք, սակայն Իսրայելը չէր հաստատել դրանք։ Ամերիկյան կողմը նույնպես լուրջ չէր վերաբերվել գործարքի առաջարկված նախագծին։