Բաժանորդագրվեք araratnews-ի  տելեգրամ ալիքին։

Կայացել են Հայաստանի և Նիդերլանդների արտաքին քաղաքական գերատեսչությունների միջև հերթական քաղաքական խորհրդակցությունները` ՀՀ արտաքին գործերի և միջազգային առևտրի նախարարի տեղակալ Վահան Կոստանյանի և Նիդերլանդների Թագավորության արտաքին գործերի նախարարության քաղաքական հարցերով գլխավոր տնօրեն Յուստ Ֆլամանդի գլխավորությամբ: Այս մասին տեղեկացնում են ԱԳՄԱ նախարարությունից:

Զրուցակիցները գոհունակությամբ արձանագրել են երկու պետությունների միջև ռազմավարական գործընկերության արդյունավետ իրականացումը: Հայաստանի տնտեսական հնարավորությունների դիվերսիֆիկացման համատեքստում քննարկվել են առևտրատնտեսական կապերի զարգացման, գործարար շրջանակների միջև ուղիղ կապերի ամրապնդման հնարավորությունները, այդ թվում՝ նիդերլանդական առաջադեմ տեխնոլոգիաների՝ Հայաստանում ներդրման ընդլայնումը:

Հանգամանալից անդրադարձ է կատարվել ՀՀ-ԵՄ գործընկերության ռազմավարական օրակարգին: Նախարարի տեղակալ Կոստանյանը զրուցակցին է ներկայացրել ԵՄ հետ համագործակցության շրջանակներում Հայաստանի առաջնահերթությունները:

Անդրադարձ է կատարվել նաև տարածաշրջանային հարցերի լայն շրջանակի, ինչպես նաև երկկողմ հետաքրքրություն ներկայացնող գլոբալ զարգացումներին։

125