Երեկ, հունիսի 1-ին` երեխաների պաշտպանության միջազգային օրը, կրկնակի տոն էր Օշականի բնակիչների համար: Գյուղում նաև խաղահրապարակ բացվեց փոքրիկների համար:
Արտերկրում ապրող հայազգի բարերար, «Evocabank»-ի սեփականատեր Վազգեն Գևորգյանի միջոցներով Օշականը բարեկարգ խաղահրապարակ ունեցավ:
Օշական համայնքի բնակիչներն իրենց գոհունակությունն ու շնորհակալությունն են հայտնում Վազգեն Գևորգյանին բարի գործի համար: Օշականցիները բարձր գնահատեցին բարերարի ներդրումն ու աջակցությունը այս կարևոր գործում, նշելով, որ նրա ջանքերի շնորհիվ այսուհետև գյուղի երեխաները կկարողանան խաղալ ու զբոսնել ժամանակակցի ստանդարտներին համապատասխամ խաղահրապարակում:
Խաղահրապարակի բացումը ուրախություն էր պարգևել ոչ միայն գյուղի փոքրիկներին, այլև մեծահասակներին: Վազգեն Գևորգյանի բարի համբավի մասին խոսում է ողջ գյուղը: Գյուղացիները ոգեւորված մեզ պատմում էին գյուղիխաղահրապարակի մասին, իսկ գյուղի տատիկները օրհնում էին, որ իրենց կողքին նման բարի անհատականություն կա:
