«Հյուսիսային հոսք-2» գազատարը շահագործման կհանձնվի միայն սերտիֆիկատ ստանալուց հետո, որը կարող է տևել մոտ չորս ամիս: Այս մասին  հայտարարել է Ռուսաստանի արտգործնախարար Սերգեյ Լավրովը՝ հավելելով, որ աշխատանքն ամբողջությամբ ավարտված է, իսկ այժմ ընթանում է գերմանական կարգավորող մարմնից անհրաժեշտ թույլտվություններ ստանալու գործընթացը: 

Լավրովը շեշտել է, որ գազատարի վրա «հարձակման» փորձերը կշարունակվեն:

«Ռուսաստանի Դաշնությունը չի բացառում, որ ԵՄ-ում ագրեսիվ տրամադրված փոքրամասնությունը կփորձի մնացածների վրա իր բացասական վերաբերմունքը պարտադրել «Հյուսիսային հոսք-2»-ի նկատմամբ»,- ասել է դիվանագետը:

Հիշեցնենք, որ սեպտեմբերի 10-ին Ռուսաստանը հայտարարեց «Հյուսիսային հոսք-2»-ի շինարարության ավարտի մասին։

1286