Լիտվայի կառավարությունը որոշում է կայացրել Moderna պատվաստանյութի 50 000 դեղաչափ փոխանցել Հայաստանին: Այս մասին Araratnews.am -ին տեղեկացրեցին Հայաստանում Լիտվայի դեսպանատնից:

«Լիտվայի կառավարությունը որոշում է կայացրել Moderna-ի արտադրած Spikevax պատվաստանյութի 50 000 դեղաչափ փոխանցել Հայաստանին։ Ժամկետների մասին դեռ տեղյակ չենք, որոշումը նոր է կայացվել, բայց կհասնի մոտակա ապագայում՝ շատ մոտակա»,- հայտնեցին Araratnews.am -ին դեսպանատնից:

Moderna պատվաստանյութը կներմուծվի Հայաստան առաջին անգամ։ Լիտվան առաջին անգամ է նվիրաբերում այս տեսակի պատվաստանյութը: Այս տարի Լիտվան արդեն 200 000 դեղաչափ AstraZeneca պատվաստանյութ է նվիրաբերել Հայաստանին, Մոլդովային, Վրաստանին եւ Ուկրաինային:

683