Առողջպահանության նախարարությունն արձագանքել է այսօր շտապօգնության 6-րդ ենթակայանի վարորդների իրականացրած բողոքի ակցիային
Առողջապահության նախարարությունը, անդրադառնալով Երևանի շտապբուժօգնության ծառայության 6-րդ ենթակայանի մի քանի վարորդի բողոքի ակցիային, ընդգծում է, որ առողջապահական համակարգի ներկայիս գերլարված իրավիճակում անթույլատրելի և անընդունելի է աշխատանքը առժամանակ դադարեցնելը:
Այս մասին տեղեկացնում է նախարարության ֆեյսբուքյան էջը:
«Միևնույն ժամանակ, առողջապահության նախարարությունը շարունակում է գործակցությունը Երևանի քաղաքապետարանի հետ, պատրաստ է լսել ու քննարկել քաղաքապետարանի առաջարկները, որոնք ուղղված կլինեն հարցի լուծմանը:
Վստահ ենք նաև, որ քաղաքապետարանը կապահովի շտապօգնության «1-03» ծառայության բնականոն գործունեությունը»,- ասված է գրառման մեջ:
02 Նոյեմբեր, 2021 17:13
240