Էստոնիայի կողմից նվիրաբերված Javelin հակատանկային հրթիռները հասել են Ուկրաինա:

Կիևում Էստոնիայի դեսպան Կայմո Կուուսկն հայտնել է. «Հրթիռները տեղում են։ Դրանք ընդունել են Ուկրաինայի պաշտպանության փոխնախարարն ու զինված ուժերի նյութատեխնիկական ապահովման հրամանատարը։ Էստոնիայի ռազմական կցորդի հետ մենք դրանք հանձնեցինք ուկրաինացիներին»։
Կուուսկի խոսքով՝ Javelin հրթիռներն անմիջապես կուղևորվեն զորամասեր և առաջնագիծ։ Կայմո Կուուսկը չի նշել Ուկրաինա հասած հրթիռների ճշգրիտ թիվը։ Կիևում տիրող իրավիճակի վերաբերյալ դեսպանն ասել է, որ լարվածությունը մեծ է, բայց եթե հակամարտությունը սրվի, դա տեղի կունենա Ուկրաինայի արևելքում։

 

1091