Ուկրաինայի՝ Եվրամիությանն անդամակցելու ընթացակարգը չի վերջացնի երկրի տարածքում հակամարտությունը, իսկ դաշինքին միանալու որոշումը չի կայացվում մի քանի օրում։ Այս մասին ֆրանսիական «Le Monde» թերթին ասել է Ելիսեյան պալատի ներկայացուցիչը։
«Ընդունել Ուկրաինային, որտեղ ապրում է 41 միլիոն մարդ, ընդամենը որոշում չէ, որը պետք է կայացվի հանգստյան օրերին»,- ասել է աղբյուրը:
Պարբերականը նշում է, որ Ուկրաինայի՝ Եվրամիությանն անդամակցությունը Ռուսաստանում կընկալվի որպես սադրանք:
Եվրամիությանն Ուկրաինայի անդամակցության ընթացակարգը կարող է ձգձգվել տարիներ, ինչպես դա տեղի է ունենում անդամակցության մյուս թեկնածուների դեպքում:

1051