Կորոնավիրուսի պատճառով, եվրոպական և միջազգային մարզական ֆեդերացիաները պաշտոնական միջոցառումներն անցկացրել են հեռավար ձևաչափով: Այս մասին հայտնում է ՀԱՕԿ-ը։
Նման վիճակ էր նաև սուսերամարտի եվրոպական ֆեդերացիայում: Եվ ահա, ինչպես ասում են, վերջապես սառույցը կոտրվել է, և Անթալիայում տեղի է ունեցել եվրոպական ֆեդերացիայի արտահերթ համաժողովը:
Մասնակիցների թվում է եղել նաև ՀՀ սուսերամարտի ֆեդերացիայի նախագահ, անցյալի նշանավոր սուսերակիր Արմեն Գրիգորյանը:
Նա զրույցի ժամանակ ասաց, որ զեկուցումով հանդես է եկել ֆեդերացիայի գլխավոր քարտուղար Յացեկ Սլուպսկին: Պաշտոնյան տեղեկացրել է, որ հայտնի պատճառներով ֆեդերացիայի նախագահ, մոսկվացի Ստանիսլավ Պոզդնյակովը հրաժարական է տվել, և ինքն է հանդիսանում ժամանակավոր պաշտոնակատարը:
Համաժողովում հարց է բարձրացվել մրցումներում Ռուսաստանի և Բելառուսի մարզիկների մասնակցության մասին: Քվեարկությամբ որոշվել է (24 կողմ , 17 դեմ)՝ մասնակցության օգտին:
