31 տարի առաջ մեր պետականության հիմքում դրեցինք անկախությունը՝ որպես հայ ժողովրդի ապրելու անհրաժեշտություն. Ավանեսյան

Անկախության տոնի առթիվ ՀՀ առողջապահության նախարար Անահիտ Ավանեսյանը Ֆեյսբուքի իր էջում շնորհավորական ուղերձ է հղել, որում մասնավորապես նշել է.

«Սիրելի՛ հայրենակիցներ,

31 տարի առաջ մեր պետականության հիմքում դրեցինք անկախությունն ու ազատությունը` որպես հայ ժողովրդի ապրելու և հարատևելու անհրաժեշտ պայման:

Այսօր այդ սկզբունքները մեզ համար դարձել են անփոխարինելի արժեք:

Խոնարհվում եմ մեր բոլոր նահատակների շիրիմներին, որոնք ընկան` երաշխավորելու մեր ազատ, անկախ երկրի գոյը:

Խաղաղություն եմ մաղթում բոլորիս, որպեսզի կարողանանք ապրել, արարել, նոր սերունդ դաստիարակել ազատ, անկախ և ուժեղ երկրում:

Կեցցե´ Հայաստանի Հանրապետությունը»:

21 Սեպտեմբեր, 2022 17:50

517