Բաժանորդագրվեք araratnews-ի տելեգրամ ալիքին։
Վրաստանի վարչապետ Իրակլի Կոբախիձեն ժամանել է Հայաստան. հայտնում է Վրաստանի կառավարության աշխատակազմը։
Հաղորդվում է, որ կառավարության ղեկավարը, Հայաստանի վարչապետ Նիկոլ Փաշինյանի հրավերով, կմասնակցի ՄԱԿ-ի Կենսաբազմազանության մասին կոնվենցիայի անդամ պետությունների ղեկավարների 17-րդ գագաթնաժողովին, որը տեղի է ունենում Երևանում՝ հոկտեմբերի 15-16-ին։
Իրակլի Կոբախիձեն ելույթ կունենա համաժողովի շրջանակներում նախատեսված առաջնորդների գագաթնաժողովում, ինչպես նաև կմասնակցի պաշտոնական բացման արարողությանը։
Վարչապետին այցի ընթացքում ուղեկցում է պատվիրակություն, որի կազմում են Վրաստանի շրջակա միջավայրի պաշտպանության և գյուղատնտեսության նախարար Դավիթ Սոնղուլաշվիլին և կառավարության աշխատակազմի ղեկավար Լևան Ժորժոլիանին։