Պետդեպարտամենտը մտահոգված է հայ գերիների նկատմամբ բռնության նոր կադրերով։

ԱՄՆ Պետդեպարտամենտի Եվրոպայի և Եվրասիայի հարցերով բյուրոն մտահոգություն է հայտնել սեպտեմբերի 12-14-ի մարտերի ընթացքում ռազմագերիների նկատմամբ բռնությունների նոր հաղորդագրությունների կապակցությամբ։

Բյուրոն իր հայտարարության մեջ կոչ է անում բոլոր մեղավորներին պատասխանատվության ենթարկել ամբողջական և անաչառ հետաքննության միջոցով:

Միաժամանակ Պետդեպարտամենտը շեշտում է, որ հոկտեմբերի 4-ին 17 հայ ռազմագերիների վերադարձը Երևան կարևոր և դրական քայլ էր։