Մոլդովան փակել է իր օդային տարածքը

Մոլդովան արգելել է ինքնաթիռներին թռչել իր տարածքով։ Այս մասին հայտարարել է Air Moldova-ն։

«Հարգելի ուղևորներ, այս պահին Մոլդովայի օդային տարածքը փակ է։ Սպասում ենք թռիչքների վերսկսմանը»,- ասվում է հաղորդագրության մեջ։

Սահմանափակումների պատճառով թռիչքների չվացուցակը կարող է փոփոխվել։

Ավելի վաղ Մոլդովայի արտաքին գործերի նախարարությունը հայտնել էր, որ երկրի օդային տարածքով հրթիռ է անցել։

Դրանից հետո փետրվարի 10-ին ՌԴ դեսպան Օլեգ Վասնեցովը կանչվել է երկրի ԱԳՆ, հայտնում է RT-ն։

14 Փետրվար, 2023 21:44

1025