Չինաստանը պատասխանատու չէ երկկողմ չին-ամերիկյան հարաբերությունների վատթարացման համար: Այս մասին երեքշաբթի հայտնել է Չինաստանի ԱԳՆ պաշտոնական ներկայացուցիչ Վան Վենբինը:
«Չինաստանը պատասխանատու չէ չին-ամերիկյան հարաբերություններում առկա դժվարությունների համար»,- ասել է նա ճեպազրույցում։
Դիվանագետը նշել է, որ Վաշինգտոնը պետք է դադարի միջամտել Չինաստանի ներքին գործերին, վնասել Չինաստանի շահերը և խոչընդոտներ դնել Չինաստան-ԱՄՆ հարաբերությունների զարգացման համար։
Վան Վենբինի խոսքով՝ երկու պետությունների փոխգործակցությունը ճիշտ ուղու վերադարձնելու համար ԱՄՆ-ը պետք է կես ճանապարհին հանդիպի Չինաստանին։
Ինչպես ավելի վաղ հայտնել էր Politico թերթը՝ վկայակոչելով աղբյուրներ, Պեկինը տրամադրված չէ Վաշինգտոնի հետ դիվանագիտական շփումների համար և համաձայն չէ ԱՄՆ պետքարտուղար Էնթոնի Բլինքենի՝ Չինաստան այցի նոր ժամկետ նշանակելու առաջարկին։
Բլինքենը նաև հետաձգել է իր այցը Չինաստան՝ փետրվարին ԱՄՆ-ի երկնքում չինական օդապարիկի հետ կապված միջադեպի պատճառով։