«Մենք հիմա անում ենք ամեն ինչ, որ կայանա Բաքու-Ստեփանակերտ երկխոսությունը։ Այսինքն, Ստեփանակերտը բանակցություններում հանդես գա որպես սուբյեկտ»,- լրագրողների հետ ճեպազրույցում հայտարարել է ԱԺ ՔՊ խմբակցության պատգամավոր Արման Եղոյանը։ 

«Ամերիկայի ձայնը», հղում անելով պետքարտուղարությանը, հայտնել էր, որ Բաքուն և Երևանը քննարկում են էթնիկ փոքրամասնությունների իրավունքները և անվտանգությունը։ Հարցին՝ ԼՂ ինքնորոշման իրավունքի հարցը իջեցվե՞լ է, Եղոյանը նշել է, որ «Ամերիկայի ձայնը» այդ լուրն արդեն հեռացրել է։ 

«Հղում է արվում պետքարտուղարության բարձրաստիճան պաշտոնյա հանդիսացող իրենց աղբյուրին։ Այդ լուրը սկզբնաղբյուր կայքից արդեն իսկ հեռացվել է, ինչը վկայում է լուրի արժանահավատության մասին»,- ավելացրել է Եղոյանը։

654