Դատական համակարգից մեծ սպասումներ ունենք, բայց տպավորություն է ստեղծվում, որ այդ սպասումներն ի կատար չեն ածվում և շատ դեպքերում նաև ցեխ է շպրտվում այդ համակարգի վրա:  Այս մասին այսօր Ազգային ժողովում իր ելույթում ասաց «Քաղաքացիական պայմանագիր» խմբակցության պատգամավոր Արմեն Խաչատրյանը:

«Առաջին ատյանի դատավորի աշխատավարձը 400-500 հազար դրամ, այս գումարի կեսից ավելին ծախսում է նա իր աշխատանքային գործունեության արդյունքում, իսկ միջին ծանրաբեռնվածությունը կազմում է 4 հազարից հինգ հազար գործ, այսինքն՝ 50 հազար էջ դատավորը պետք է կարդա որոշակի ժամանակահատվածում, կայացնի դատական ակտեր, ապահովի գրեթե ութ հազար ծանուցում»,- ասաց նա և կարևորեց նրանց աշխատավարձի բարձրացման նախագիծը, թեև նշեց, որ դա էլ բավարար չէ:

528