Եվրոպական խաղերում հաղթանակով մեկնարկեց բռնցքամարտի Հայաստանի թիմի ներկայացուցիչ Գուրգեն Մադոյանը։
Լեհաստանի Կրակով քաղաքում անցկացվող բռնցքամարտի մրցաշարում 71 կգ քաշային Գուրգեն Մադոյան մեկնարկային մենամարտում մրցեց Չեռնոգորիայի ներկայացուցիչ Ստեֆան Սավկովիչը եւ 5:0 հաշվով տպավորիչ հաղթանակ տարավ։
Երեկոյան մրցահերթում ռինգ դուրս կգա Եվրոպայի չեմպիոն Անի Հովսեփյանը: Նրա մրցակիցը կլինի Փախստականների օլիմպիական հավաքականը ներկայացնող Քինդի Ջանկե Նգամբան:
Աշխարհի փոխչեմպիոն Դավիթ Չալոյանը մեկնարկում ուժերը կչափի Սերբիայի ներկայացուցիչ Վլադան Բաբիչի հետ:
Կարեն Աղամալյանի գլխավորած հավաքականից առաջին մենամարտերում հաղթանակներ են տարել նաեւ Արթուր Բազեյանը, Նարեկ Հովհաննիսյանը եւ Համբարձում Հակոբյանը։
Եվրոպայի փոխչեմպիոն Արթուր Բազեյանը 57 կգ քաշային կարգում 5:0 հաշվով պարտության էր մատնել Չեխիայի ներկայացուցիչ Վլադիմիր Տրակալին:
63,5 կգ քաշային Նարեկ Հովհաննիսյանը 3:2 հաշվով հաղթել էր Իսրայելի ներկայացուցիչ Ահմադ Շտիվին:
Համբարձում Հակոբյանը 80 կգ քաշայինների պայքարում 4:1 հաշվով պարտության է մատնել Չեռնոգորիայի ներկայացուցիչ Պիտեր Մարչիչին:
Եվրոպական խաղերը օլիմպիական վարկանիշային են բռնցքամարտիկների համար։