Հարավային Կովկասում ԵՄ հատուկ ներկայացուցիչ Տոյվո Կլաարը կոչ է արել Եվրամիությանը լրջորեն վերաբերվել Կարմիր խաչի միջազգային կոմիտեի երեկվա հայտարարությանը, որում ասվում է, որ չի կարող մարդասիրական օգնություն հասցնել Արցախ՝ Ադրբեջանի կողմից Լաչինի միջանցքի շրջափակման պատճառով։

«ԿԽՄԿ-ն մեծ աշխատանք է կատարում տեղում շատ դժվար պայմաններում: Կարևոր է, որ նրանք կարողանան ազատ աշխատել: ԵՄ-ն պետք է լրջորեն վերաբերվի նրանց նախազգուշացումներին»,- գրել է Կլաարը Twitter-ում:

Հիշեցնենք, որ նախօրեին ԿԽՄԿ-ն կոչ էր արել որոշում կայացնողներին թույլ տալ ԿԽՄԿ-ին վերսկսել իր հիմնական մարդասիրական գործողությունները տարածքում, հակառակ դեպքում հումանիտար իրավիճակը միայն կվատթարանա: