Վարչապետի աշխատակազմի ղեկավար Արայիկ Հարությունյանը իր ֆեյսբուքյան էջում գրել է։
«Ժամը 23:00, 24.09.2023
ՖԵՅՔԱԶԵՐԾՈՒՄ
Ֆեյք–Այս իշխանությունը կրակելու է ժողովրդի վրա:
Ճիշտ–Բացարձակ կեղծիք: Այս իշխանությունը դա չի արել ավելի ծանր ժամանակներում և չի անի երբեք, որովհետև կրակելը հրապարակի արժեհամակարգի կրողներինն է, ոչ թե գործող իշխանությանը:
Ֆեյք–Հումանիտար բեռները հետ գնացին:
Ճիշտ–Հումանիտար բեռները ճանապարհից տեղափոխվել են Գորիս, որպեսզի Կարմիր Խաչի և խաղաղապահների միջոցով տեղափոխվեն Ստեփանակերտ:
Ֆեյք–Վարդենիսի համայնքապետը միացել է շարժմանը:
Ճիշտ– Կեղծիք, ինչը հերքեց գործող համայնքապետը, սակայն հրապարակում ամոթից գետինը չմտան և այնուամենայնիվ հայտարարեցին, որ ֆեյք հայտարարությունը ճիշտ է և համայնքապետը միացել է իրենց:
Կարծում ենք, որ մեր բացահայտումները թույլ են տալիս ֆեյքը խեղդել բնօրրանում: Եվ դա ձեր շնորհիվ է, քանի որ լայնորեն տարածում եք»: