Գերմանիայի արտաքին գործերի նախարար Անալենա Բերբոքը չհայտարարված այցով ժամանել է Կիև, հայտնում են գերմանական լրատվամիջոցները։

«Մեր աջակցությունը հիմնված է այն խոր համոզման վրա, որ Ուկրաինան հաղթելու է այս պատերազմում։ Պուտինը ենթադրում է, որ ինչ-որ պահի մեր ուժերը կսպառվեն, բայց մենք համբերություն ունենք: Աշխարհի բազմաթիվ այլ երկրների հետ միասին Գերմանիան անշեղորեն կանգնած է Ուկրաինայի կողքին»,- ասել է Բերբոքը ժամանելուն պես:

Սկզբում Բերբոքը պետք է այցելեր Խարկով, սակայն այնտեղ ստեղծված իրավիճակի պատճառով ծրագրի այս կետը փոխել է։

Սա Անալենա Բերբոքի յոթերորդ այցն է Կիև 2022 թվականի փետրվարից ի վեր։

207