Հրդեհ Վանաձորի շենքերից մեկում. տարհանվել է 15 բնակիչ

Բաժանորդագրվեք araratnews-ի տելեգրամ ալիքին։

Մայիսի 17-ին՝ ժամը 09:27-ին, Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վանաձոր քաղաքի Գրիգոր Լուսավորչի փողոցի շենքերից մեկի շքամուտքում ծուխ է նկատվում։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։

Պարզվել է, որ Գրիգոր Լուսավորչի փողոցի շենքերից մեկի առաջին և երկրորդ հարկերի միջակայքում էլեկտրական հաշվիչների վահանակում հրդեհ է բռնկվել։

Հրդեհը մեկուսացվել է ժամը 09։40-ին, մարվել՝ 09։43-ին։

Այրվել է առաջին և երկրորդ հարկերի միջակայքում գտնվող էլեկտրական հաշվիչների վահանակը (15 հաշվիչ)։

Փրկարարները տարհանել են 15 բնակչի։

Տարհանված բնակիչներից մեկը հոսպիտալացվել է բժշկական կենտրոն։

17 Մայիս, 2025 14:32

192

Թանգարանին կից շինությունում հրդեհի հետևանքով կա տուժած քաղաքացի

17 Մայիս, 2025 17:45

Հրդեհի ահազանգ Արին Բերդի փողոցում․ իրականացվում են հրդեհաշիջման աշխատանքներ

14 Մայիս, 2025 10:27