Բաժանորդագրվեք araratnews-ի տելեգրամ ալիքին։
ԱՄՆ նախագահ Դոնալդ Թրամփն իր ուկրաինացի գործընկեր Վլադիմիր Զելենսկիին և եվրոպացի առաջնորդներին ասել է, որ Ռուսաստանն ու Ուկրաինան ստիպված կլինեն ինքնուրույն գտնել ռազմական հակամարտությունից դուրս գալու ելքը․ Araratnews.am-ի փոխանցմամբ՝ հաղորդում է The New York Times-ը՝ հղում անելով վեց աղբյուրների։
Թրամփը նրանց հետ խոսել է մայիսի 19-ին Ռուսաստանի նախագահ Վլադիմիր Պուտինի հետ հեռախոսազրույցից հետո, պարզաբանում է հրատարակությունը։
Աղբյուրների համաձայն, հանրապետականը «հրաժարվել է իր սեփական սպառնալիքներից»՝ միանալու եվրոպական երկրներին Ռուսաստանի վրա ճնշում գործադրելու հարցում, որը ներառում է ավելի խիստ պատժամիջոցներ։
Եվրոպացի պաշտոնյաները կարծում են, որ չպետք է ակնկալեն, որ Վաշինգտոնը շուտով կորոշի Մոսկվայի նկատմամբ նոր ֆինանսական սահմանափակումներ կիրառել։ Այս մոտեցումը (եթե Թրամփը կրկին չփոխի իր դիրքորոշումը) վկայում է ոչ միայն ամերիկյան ճնշման ավարտի, այլև ՆԱՏՕ-ի ներսում պառակտման ի հայտ գալու մասին, գրում է NYT-ը։