Բաժանորդագրվեք araratnews-ի տելեգրամ ալիքին։
Օգոստոսի 22-ին «Սևան ֆեստիվալ սիթի»-ում տեղի է ունենալու Վարչաֆեստ առաջին երաժշտական մրցույթ-փառատոնը: ՀՀ վարչապետ Նիկոլ Փաշինյանը ֆեյսբուքյան իր էջում տեսանյութ է հրապարակել, որին կից գրել է.
«Օգոստոսի 22-ին հանդիպում ենք Վարչաֆեստում»։
Այցելուների համար ծրագիրը կմեկնարկի ժամը 12:00-ին։ Այդ օրը՝ ժամը 09:30-ին, Երևանի «Սասունցի Դավիթ» կայարանից գնացք կմեկնի ուղիղ դեպի Վարչաֆեստի տարածք, իսկ երեկոյան՝ ժամը 21:30-ին, կվերադառնա Երևան՝ առանց կանգառների։
Վարչապետը նշել է, որ երիտասարդ երաժշտական խմբերը հանդես են գալու իրենց երաժշտությամբ և ժյուրիի ու հանդիսատեսի քվեարկությամբ լինելու են հաղթողներ։
Լինելու են տոնախմբություն, տոնավաճառ, խաղեր, լողափին խաղեր, համերգ, որին հանդես են գալու «Լավ էլի» խումբը և «Kami Friends» խումբը:
Տարածք մուտքն ազատ է։
Մանրամասները՝ տեսանյութում։