Բաժանորդագրվեք araratnews-ի տելեգրամ ալիքին։
Հայաստանի վարչապետ Նիկոլ Փաշինյանի Ռուսաստանի նախագահ Վլադիմիր Պուտինի հետ հանդիպելու նպատակով Մոսկվա սպասվելիք այցը ներկայումս չի քննարկվում դիվանագիտական շփումների շրջանակում, ինչպես նաև նախատեսված չէ առաջնորդների երկկողմ հանդիպում Թուրքմենստանում. այս մասին հայտնել է ՌԴ նախագահի օգնական Յուրի Ուշակովը։
«Հայտնի է, որ Փաշինյանը ծրագրում է մեկնել Մոսկվա կամ այլ քաղաք՝ մեր նախագահի հետ հանդիպելու համար, սակայն դեռևս որևէ կոնկրետ պայմանավորվածություն ձեռք չի բերվել։ Անկեղծ ասած, այս հարցի շուրջ առայժմ նույնիսկ դիվանագիտական շփումներ չեն եղել»,- ասել է Ուշակովը լրագրողներին։
Թուրքմենստանում կայանալիք միջոցառումների շրջանակում ևս հանդիպում նախատեսված չէ, նշել է նախագահի օգնականը։ «Թեև, իհարկե, միջոցառումների ընթացքում շփումը բացառել չի կարելի»,- հավելել է Ուշակովը։