Այսօր Արագածոտնի մարզի Ավան գյուղում տեղի ունեցավ 44-օրյա պատերազմում զոհված պայմանագրային զինծառայող Երվանդ Հովհաննիսյանի հիշատակին նվիրված խաչքարի բացումը։

Արարողությանը ներկա էին զոհված զինծառայողի ընտանիքի անդամները, հարազատները, զինվորական ընկերները, գյուղապետ Գևորգ Գալստյանը, համագյուղացիները և այլ անձինք։

AraratNews.am-ի թղթակցի հետ զրույցում Ավանի գյուղապետ Գևորգ Գալստյանը նշեց, որ հուշարձանը հիմնականում զոհվածի ընտանիքի աջակցությամբ է կառուցվել, որին իր մասնակցությունն է ունեցել նաև համայնքը։

Նշենք, որ այսօր նաև Ավան գյուղի Ս. Աստվածածին եկեղեցու ուխտի օրն է։ Եկեղեցում մատուցվեց Ս.Պատարագ։

Օլյա Շահինյան

 

 


2089