Ռուսաստանաբնակ բերդցիների և Բերդի համայնքապետարանի համագործակցությամբ, սեպտեմբերի 18-ին Բերդի Գնել Մեջլումյանի անվան մանկապատանեկան մարզադպրոցում կայացել է շախմատի մրցաշար:

Մրցաշարին մասնակցել է Բերդ համայնքի բնակավայրերի 18 հանրակրթական դպրոցների 105 աշակերտ:

Բերդ համայնքի ղեկավարի տեղակալ Սամվել Հովսեփյանը ողջունել է մրցաշարի մասնակցիներին և նրանց հաջողություն մաղթել. «Նմանաբնույթ մասշտաբային միջոցառում գոնե վերջին տասը տարիների ընթացքում ես չեմ հիշում: Համայնքային իշխանությունների անունից երախտագիտություն եմ հայտնում ռուսաստանաբնակ մեր հայրենակիցներին և այս հետաքրքիր ու գեղեցիկ միջոցառման բոլոր կազմակերպիչներին, մրցավարներին: Սիրելի՛ աշակերտներ, հաջողություն եմ մաղթում բոլորիդ: Թո՛ղ հաղթեն մտքի թռիչքն ու կամքի ուժը»:

«Մրցաշարի կազմակերպիչների երազանքն է, որ մեր համայնքում շախմատը մեծ զարգացում ունենա: Վստահ ենք, որ այս առաջնությունը կծառայի իր նպատակին»,-նշել է Բերդ համայնքի շախմատի մարզիչ, առաջնության համակարգող Արսեն Զաքարյանը:

Մրցանակային տեղեր զբաղեցրած մասնակիցներն են

10 տարեկանների տարիքային խումբ

1-ին հորիզոնական

Դանիել Գրիգորյան

2-րդ հորիզոնական

Դավիթ Խաչատրյան

3-րդ հորիզոնական

Ալեն Հովակիմյան

12 տարեկանների տարիքային խումբ

1-ին հորիզոնական

Էլեն Հայրապետյան

2-րդ հորիզոնական

Միլենա Հայրապետյան

3-րդ հորիզոնական

Տոլիկ Զաքարյան

14 տարեկաննների(և բարձր) տարիքային խումբ

1-ին հորիզոնական

Գալուստ Գալստյան

2-րդ հորիզոնական

Հայկ Հակոբյան

3-րդ հորիզոնական

Արեն Մելիքյան

Մրցանակային տեղեր զբաղեցրած աշակերտները պարգևատրվել են մեդալներով և դրամական պարգևով:

128