ԱՄՆ-ի մայրաքաղաքի մետրոն ավելի քան կիսով չափ կկրճատի իր վագոնների թիվն այն բանից հետո, երբ Տրանսպորտի անվտանգության ազգային խորհրդի (NTSB) հետաքննությունը ցույց տվեց, որ առանձին սռնիներ չեն համապատասխանում արտադրական հատկորոշումներին: Այդ մասին հաղորդել Է The Hill-ը, տեղեկացնում Է «Արմենպրես»-ը:

Ըստ Վաշինգտոնի մետրոպոլիտենի անվտանգության հարցերի հանձնաժողովի, խնդիրները հայտնաբերվել են հոկտեմբերի 12-ին մետրոյի գծերից մեկում ռելսերից գնացքի դուրս գալու հետ կապված միջադեպի հետաքննությունից հետո:

««Երկնագույն գծում» ռելսերից գնացքի դուրս գալու պատճառների հետաքննության շրջանակներում մետրոն շահագործումից հանում Է 7000-րդ շարքի իր բոլոր վագոնները, ինչը կազմում Է երկաթուղային հավաքակազմի շուրջ 60 տոկոսը»,- հաղորդվում Է Twitter-ում մետրոյի օգտահաշվում: Նշվում Է, որ հոկտեմբերի 18-ից մետրոյում կերթեւեկի շուրջ 40 գնացք: Վարչությունում նշել են, որ դա թույլ կտա ապահովել «բոլոր գծերում գնացքների սպասարկման բազային սխեման»: Գնացքները կուղեւորվեն յուրաքանչյուր 30 րոպեն մեկ, հավելել են մետրոյում, հաղորդել Է «Ինտերֆաքս»-ը:

364