Հրաձգություն Միչիգանի դպրողներից մեկում. տուժածների թիվը հասել է ութի
Միչիգան նահանգի Օքսֆորդ քաղաքի ավագ դպրոցում տեղի ունեցած հրաձգության հետևանքով վիրավորների թիվը հասել է ութի՝ հայտնում է CNN-ը՝ հղում անելով տեղի իշխանություններին։
Ավելի վաղ հաղորդվել էր երեք զոհի և վեց վիրավորի մասին։ Մամուլի ասուլիսի ժամանակ Օքլենդի շրջանի շերիֆ Մայք Մաքքեյբը հայտնել է, որ մահացածները 14-17 տարեկան են:
Ութ վիրավորից երկուսն այս պահին գտնվում են վիրահատարանում, մյուս վեցի վիճակը կայուն է։
Հրաձգությունը կազմակերպել է 15-ամյա դեռահասը, որը սովորել է այդ դպրոցում։ Նա բերման է ենթարկվել և ձերբակալության ժամանակ դիմադրություն չի ցուցաբերել։
Կատարվածի շարժառիթը դեռ պարզված չէ։
01 Դեկտեմբեր, 2021 16:47
408