Իրանը պատրաստ է վերականգնել տնտեսական հարաբերությունները Մերձավոր Արևելքի տարածաշրջանի բոլոր արաբական երկրների հետ՝ Սաուդյան Արաբիայի հետ դիվանագիտական հարաբերությունների վերականգնման մասին համաձայնագրից հետո․ այս մասին ասել է Իրանի էկոնոմիկայի և ֆինանսների նախարար Էհսան Խանդուզին։
«Հիմնվելով հարեւանության քաղաքականության վրա՝ մեր կառավարությունը լիովին պատրաստ է վերսկսել տնտեսական հարաբերությունները տարածաշրջանի (Մերձավոր Արևելք) բոլոր երկրների հետ և նրանց հետ բարիդրացիական հարաբերությունների ամրապնդումը համարում է բուն տարածաշրջանի ամրապնդման գործոն, քանի որ Սաուդյան Արաբիան Իրանի հետ տնտեսական փոխգործակցության հնարավորություն կունենա»,- ասել է Խանդուզին։
Թեհրանն ու Էր Ռիադը մարտի 10-ին Պեկինի միջնորդությամբ համաձայնագիր են ստորագրել դիվանագիտական հարաբերությունների վերականգնման մասին, և նախատեսվում է երկու ամսվա ընթացքում դեսպանատներ բացել։ Համատեղ հայտարարությունը ստորագրվել է Պեկինում Իրանի ազգային անվտանգության բարձրագույն խորհրդի ղեկավարի և Սաուդյան Արաբիայի իր գործընկերոջ միջև մի քանի օր տեւած բանակցություններից հետո։ Նշվում է, որ երկու պետությունների արտգործնախարարները մտադիր են հանդիպել՝ քննարկելու համաձայնագրի կատարման ընթացքը։